Shoppingmøguleikarnir eru góðir umborð - og prísirnir eru sera kappingarførir. Vit hava stórt úrval av vanligum tax-free sølulutum, og breitt úrval av designvørum.
Handilsøkið við luktilsum, smyrsli, víni, rúsdrekka og góðgæti er sera stórt.
Internet fæst í samstarvi við Telenor Maritime.
Prísir
4 tímar: 37,-
19 tímar: 66,50,-
36 tímar: 133,50,-
55 tímar: 185,-
7 dagar: 259,-
Bílegg á netinum tá tú ert umborð ella keyp ein internetseðil við kotu í móttøkuni. Vinaliga gevið gætur, at tráðleysa internetið á sjónum hevur avmarkingar. Tí skalt tú rokna við, at internetið umborð arbeiðir munandi seinni enn á landi.
Kom og slappa av í flógvum norðuratlantssjógvi og njót frálíka útsýnið, í okkara rúmligu heitu pottum á dekk 7, ið verða hitaðir av avlopshita frá maskinrúminum. Vit hava 3 pottar, og pláss er fyri 6 fólkum í hvørjum potti.
Møguleiki er at leiga ein pott í 1 tíma. Set teg vinarliga í samband við móttøkuna fyri meira kunning.
Forkela kropp og sál á dekki 1. Her finnur tú fitnessrúmið, hitarúmið og svimjihylin. Har eru nógvar maskinur og amboð at venja við og á. Hesar tænastur eru ókeypis.
Svimjihylurin er ikki opin í vetrarsiglingini. Fitnessrúmið er opið allar dagar frá kl. 07.00 til 19.00 um viðrar.
At vera við Norrönu er stuttligt og sissandi í senn. Livandi tónleikur, framløgur og eydnuspæl eru fastir tættir. Eisini ber til at stytta sær stundir við borðspølum í Undirhúsinum - ella seta seg við eini góðari bók í fjálga lesikrókinum.
Ígjøgnum summar–heyst og vár-hálvuna, er móttøkan opin alt samdøgrið. Í vetrarhálvuni er opið frá kl. 08.00 til kl. 22.00.
Móttøkan hjálpir tær við: Vanligari kunning, uppstigan av kømurum, tax free afturgjaldi, goymsluskápi til ferðagóðs o.a.
Í móttøkuni kanst tú keypa atgongd til netið, biografin og til hitapottarnar.
Norröna hevur eitt stórt og sera áhugavert spælipláss til børnini at bóltra sær í. Har er klintriborg, rusjibani, klintrineti o.a.
Á dekk 6 kunnu tey ungu hugna sær við Play Station spølum saman við øðrum javnaldrum.
Fótbóltsvøllurin er á dekki 9, úti á opnum dekki, og er opin frá kl. 12 til kl. 18.
Á dekk 7 er eitt høli við nógvum spælimaskinum.
Umstøðurnar til djórini eru góðar. Rúmið er avlokað, vask við slangu og krana er lagt inn og eisini er hiti í rúminum. Vit hava 2 stór búr (H: 115cm, B: 80cm, D: 130cm), har djór upp til 110 cm kunnu búleikast, og 4 smærri (H: 55cm, B: 80cm, D: 130cm) har djór upp til 54 cm kunnu búleikast.
Prísir
Lítið búr (djór upp til 54 cm): kr. 300
Stórt búr (djór upp til 110 cm): kr. 500
