Dimmuborgir

Gosmyrjan rann og prutlaði, tá ið Dimmuborgir føddust í eldgosi í Lúdentsborgum og Trongaborgum (Þrengslaborgum) fyri umleið 2.000 árum síðan. Hetta er størsta gosgrýtisgos, ið nakrantíð hevur verið við Mývatn aftan á ísøldina. 

Dimmuborgir eru niðri í eini deld. Menn vilja vera við, at tá ið tær vórðu myndaðar, rann gosmyrja oman í lægdina, fylti hana so líðandi og varð til gosgrýti. Eftir stendur í dag tað heilt serliga landslagið, vit kenna sum Dimmuborgir.